Op Sishen

Ons is nou op Sishen. Die trip het offisieel begin. Die fietse se wiele sing oor die Kalahari se sand...

Die aand voor die vertrek

Vanaand 'n lang gesprek met Michael gehad. Sommer oor die hele trip en die goed wat dalk mkan skeefloop. So ons sal nou more sien Hoe lyk Sishen en die dinge daar.

Vang die bus more oggend 5h30 in Pretoria.

Hoop alles loop goed. Die verkoue het weer kop uit gesteek maar darem is alles by die werk 90% opgelos.

Dit was 'n helse week.

Nou raak dit realiteit

Ek het vandag besef dat die realiteit baie grotter is as wat ek dink. Toe ek by Finish Line cycles ingestap het om my fiets op te tel ,het ek besef dat die trip een moerse trip gaan wees. Daar was ,en is nogsteeds geen beter woord om dit te beskryf nie. Dit gaan die avontuur van 'n leeftyd wees.

Nuwe plekke en nuwe mense.

Clint en Arther by Finish Line is stunning ouens wat regtig intense belangstelling toon in die hele trip se beplanning. Elke keer as ek daar instap glimlag die ouens van oor tot oor en wil net weet wat is nuut en hoe gaan die reelings.

Het vandag ook my stoffie gekry uit Hong Kong uit asook die fiets sakke wat ek by Adolph gekoop het.

Ek voel ook baie beter vandag ,maar is nie 100 % nie.

Alles lyk goed.

Clint het vandag gesê "Don't come back as a DNF. "

Ek moes eers kaan sit en dink het oor die afkorting .

'DID NOT FINISH'

Vyf dae oor

7 Desember 2009

Die dinge by die werk lyk al hoe erger. Almal wil nou klaar kry. Ons werk tot 2h00 die oggend om die nodige Gabions in te kry om die Wetlands aan die ooste kant te beskerm.

Die verkoue bly in die kop. Dis nou al meer as 'n week wat ek nie kan oefen nie.

Dr Chris Kruger het my gister aan geraai om die trip te heroorweeg. Tipies van my ,gaan ek sy bekommernisse ter harte neem. Ons sal in die vroee oggend ure moet ry of laat middae. Dalk selfs in die aand.

Kusile Roete

Het gister met die fietse vanaf Kusile terug gery huis toe. Die eerste ding wat ek verkeerd gedoen het ,was om nie 'n kaart saam te vat nie. Ons het heeltemal verkeerd gery. Die donker het ons gevang omtrent so 20km van die huis af.

Ek het maar 'n bakkie laat kom om ons te haal. Dit help nie ons neuk aan in die donker en iemand val sy gat af nie. Volgende keer vat ek 'n koplamp saam.

Die lekkerste soetste water gekry by Daniel Nguni. Hy bly iewers langs die bad op 'n plaas stat.

Toe weer by Waaikraal winkel se stat. Die water het iets soos Javel in dit om dit seker te suiwer ,maar nie temin was dit lekker.

Die roete het baie opdraandes gehad. Ek voel fiks en was glad nie styf gewees vanoggend nie.

So ligte verkoue gehad wat vandag ontaard het in 'n erge verkoue.

Karoo .... eks reg vir jou.

Die Voorbereiding

Elke dag moet nou goed uitgewerk word. Dis of in die gym of in die saal. Die naweek was beplan om in Thabazimbi te gaan oefen ,maar dis nou van die baan agv die werk.

So in die aand gaan klim ons maar op die fiets in die gym. Dit help darem as 'n troosprys. Ek moet sê ek voel goed en na gister se roete (Kyk google image)wat ons kon inkry is ek weer op ge'charge' vir die 1000km.

Ek het so Google image saam gestel en toe het Johan ook vir my van sy notas gestuur wat handig te pas gaan kom. (Kyk Google image)

My knie was vandag weer nie lekker nie. Ek bly nou van die tredmill af. Dit is amper kompleet asof die pyn in my knie rondskuif van dag tot dag. Die hardloop kuil my op , maar die fietsry blyk nie 'n probleem te wees nie.

Naweek in Mosambiek

Die naweek in Mosambiek het my glad nie goed gedoen nie.

Geen oefeninge vir die hele naweek en my knie is baie seer. Weer slegs as ek hardloop of trappe klim. Met die fietsry gaan dit eintlik goed en gedra hy hom.

Dit was 'n lekker week en eintlik het ek die breek nodig gehad.

Die werk laai net op. Die datum vir finale oorhandiging is nou die 11de Des.

Iewers sal ek tyd moet wen.